Орон сууцны хөнгөлөлтийг ирэх улиралд үргэлжлүүлэн олгоно

Categories ҮйлдвэрPosted on

  Эрдэнэт үйлдвэр энэ онд орон сууц худалдан авсан 445 ажилтнаа дэмжин урамшуулж, хүн бүрт 12 сая төгрөгийн нэг удаагийн буцалтгүй мөнгөн дэмжлэг үзүүллээ. Нийгмийн хариуцлагынхаа хүрээнд хэрэгжүүлж ирсэн тус хөнгөлөлтийг шалгуур хангасан 186 ажилтан 3 дугаар улиралд авсан байна. Бүтцийн нэгж бүр квоттой ч өнгөрсөн улиралд уг тоог харгалзахгүйгээр хөнгөлөлт урамшууллыг шийдвэрлэжээ. “Материал нь хангалтгүй байсан хүмүүс санаа зовох шаардлагагүй, ирэх улиралд орон сууцны хөнгөлөлт олгоно. Цехийн хүний нөөцийн мэргэжилтнүүд материал бүрдүүлэхэд туслах хэрэгтэй байна” хэмээн Нийгмийн харилцааны хэлтсийн Тэргүүлэх мэргэжилтэн Д.Алтангэрэл ярьлаа. Тэрээр “Их хаадын цуваа”, “Хөүптаун”, “Стройинвест” компанийн орон сууцанд амьдарч байгаа ажиллагсдад хөнгөлөлт үзүүлэхийн тулд компанийг нь сайтар шалгах үүднээс багагүй хугацаа зарцуулсан тухайгаа хэлж байна. Эрдэнэт үйлдвэр арилжааны банкуудын уян хатан нөхцлийг харгалзан үзэж, 10 банктай хамтран ажилладаг. Ипотекийн зээл олгох эрхийн дагуу “Чингис”, “Богд” банктай саяхнаас хамтран ажиллах гэрээ байгуулан, харилцагч банкныхаа тоог нэмэгдүүлээд байна. 

Хариулт үлдээх

Таны и-мэйл хаягийг нийтлэхгүй. Шаардлагатай талбаруудыг *-р тэмдэглэсэн