Шинэ, залуу ажилтнууд хувь хүний хөгжил, харилцаа хандлагад суралцлаа

Categories ҮйлдвэрPosted on

     Эрдэнэт үйлдвэрийн Захиргаа, Үйлдвэрчний эвлэлийн холбооны хооронд байгуулсан хамтын гэрээний 2.4 дэх заалтын дагуу, үйлдвэрт тасралтгүй 20 ба түүнээс дээш жил ажиллаж байгаад өндөр насны тэтгэвэр тогтоолгох эрх нь үүссэн ажилтны хүсэлтийг үндэслэн мэргэжлийг нь залгамжлуулах зорилгоор төрсөн нэг хүүхдийг мэргэжил, эрүүл мэндээр тэнцсэн тохиолдолд хөдөлмөрийн гэрээ байгуулж ажиллуулдаг. Энэ нь нэг талаасаа удам дагасан уурхайчдыг төрүүлэх сайн талтай ч ажил эрхлэгчдийн зарим нь ажилдаа сонирхолгүй, хайнга ханддаг, дадлага туршлагагүй зэрэг асуудлууд тулгардаг.

     Уг заалтын дагуу ажилд шинээр орсон ажилтнуудыг шаардлагатай бол дахин дадлагажуулах, мэдлэг чадвар, хандлага, ёс суртахууныг сайжруулах тал дээр сурган хөгжүүлэх үйл ажиллагааг үе шаттай зохион байгуулж байна. Тодруулбал бүтцийн нэгжийн удирдлагаас “хангалтгүй” үнэлгээ авсан 13 цехийн 173  ажилтныг “Хувь хүний хөгжил-Харилцаа хандлага” сургалтад хамруулжээ. Уг сургалтын зардал болох гучин зургаан сая төгрөгийг Үйлдвэрчний эвлэлийн холбооноос гаргажээ.

Хариулт үлдээх

Таны и-мэйл хаягийг нийтлэхгүй. Шаардлагатай талбаруудыг *-р тэмдэглэсэн